ഒറ്റക്കണ്ണന്റെ കാഴ്ചകളാകുന്ന കലാപ്രവർത്തനങ്ങൾ

ഒറ്റക്കണ്ണൻ കാണുന്നതു പോലെ ഒരു വശം മാത്രം വ്യക്തമാ‍വുന്ന മോണോ വിഷൻ കലാപ്രവർത്തനങ്ങളാണ് കഴിഞ്ഞ നാലു വർഷമായി ബഹ്‌റൈൻ കേരളീയ സമാജത്തിൽ നടന്നുകൊണ്ടിരിക്കുന്നത്. ഭരണകക്ഷിയോടുള്ള കൂറ് ആവർത്തിച്ചു വ്യക്തമാക്കുന്ന കലാകാരന്മാരെ മാത്രമേ സമാജത്തിൽ പെർഫോം ചെയ്യാൻ അനുവദിക്കൂ എന്ന നിലപാട് സമാജത്തിൽ വന്നിട്ട് മൂന്ന് നാ‍ല് വർഷമേ ആയിട്ടുള്ളൂ. ഇത് ആത്മാഭിമാനമുള്ള കലാകാരന്മാരെ ആഴത്തിൽ മുറിപ്പെടുത്തി. മുൻപും സമാജത്തിൽ ഇലക്ഷൻ നടന്നിട്ടുണ്ട് ഇലക്ഷൻ കഴിഞ്ഞ് കമ്മിറ്റി നിലവിൽ വന്നാൽ പിന്നെ ഭരണ പ്രതിപക്ഷ വ്യത്യാസമില്ലാതെയുള്ള കലാ പ്രവർത്തനമാണ് ഇവിടെ നടന്നിട്ടുള്ളത് . ഇതിനു മാറ്റം വന്നതാണ് സമാജത്തിലെ കലാപ്രവർത്തനങ്ങളുടെ മാറ്റ് കുറച്ച കാര്യം. ആ രീതി മാ‍റ്റി കലാകരന്മാരെ ഒരു കുടക്കീഴിൽ കൊണ്ട് വന്നു കൊണ്ട് സമാജം അതിന്റെ പൂർവ്വ കലാ പാരമ്പര്യത്തിൽ ഉണർവ്വുള്ളതാക്കും. കഴിഞ്ഞ വർഷം ശ്രീ ദാമുവിനെ വിജയിപ്പിച്ചതു തന്നെ സമാജം അംഗങ്ങൾ ഇങ്ങനെയൊന്ന് പ്രതീക്ഷിച്ചു കൊണ്ടായിരുന്നു. എന്നാൽ പ്രവർത്തന സ്വാതന്ത്രം നൽകാതെ കലാപ്രവർത്തനത്തിൽ എ ബി സിഡി അറിയാത്ത ശില്പന്തികളെ കുത്തി നിറച്ച് കലാവേദികളും സമ്മേളനങ്ങളും നിറംകെട്ടതാക്കുകയായിരുന്നു. കലാകരന്മാരെ അനുമോദികാനും അനുസ്മരിക്കാനും കൂടിയ സമ്മേളനങ്ങൾ വരെ അതിനെ കുറിച്ചോ അവരുടെ സംഭാവനയെ കുറിച്ചോ യാതൊന്നും അറിയാത്തവരെ കയറ്റി നടത്തിയ വിണ്‌ഡി നാടകങ്ങളായി അധഃപതിച്ചു പോയി. ഈ ദുരവസ്ഥയ്ക്ക് മാറ്റം വരേണ്ടതുണ്ട്. മുമ്പ് ഉണ്ടായിരുന്നതും പിന്നീട് നിലച്ചുപൊയതുമായ കേരളോത്സവത്തോടനുബന്ധിച്ചുള്ള സമാ‍ജാംഗങ്ങളുടെയും കുടുംബാംഗങ്ങളുടെയും ഗ്രൂപ്പ് തിരിച്ചുള്ള മത്സരങ്ങൾ പുനരാംഭിക്കും.

ഇന്ത്യയിൽ നിന്നുള്ള പ്രശസ്ത നർത്തകരെ കൊണ്ട് വന്ന് നൃത്ത ശിബിരം സംഘടിപ്പിക്കും ഇത് നൃത്ത രംഗത്തെ പുതിയ പരീക്ഷണങ്ങളൂം രീതികളും ഇവിടുത്തെ നൃത്ത വിദ്യാർഥികൾക്കും അദ്ധ്യാപകർക്കും ഗുണകരമാവും.വിഖ്യാത നാടക പ്രവർത്തകരെ കൊണ്ട് വന്ന് നാടക കളരി നടത്തും അത്തരത്തിൽ പുതിയ നാടക സങ്കേതങ്ങളും തീയേറ്ററും പരിചയപ്പെടാൻ നാടക തല്പരർക്ക് അവസരമൊരുക്കും. ലോകോത്തര ഫിലിമുകൾ ഉൾപ്പെടുത്തി ഫിലിം ഫെസ്റ്റിവൽ സംഘടിപ്പിക്കും. ഡോക്കുമെന്ററി ഫിലിമിനും ഷോർട്ട് ഫിലിമിനും പ്രത്യേകം ഫെസ്റ്റിവലും മത്സരവും സംഘടിപ്പിക്കും. ബാലകലോത്സവം നടത്തിപ്പിലും വിധിനിർണ്ണയത്തെ സംബന്ധിച്ചും ഉയർന്നു വന്നിട്ടുള്ള രക്ഷിതാക്കളുടെ പരാതി ഗൌരവമായി പരിഗണിക്കുകയും കലോത്സവം കുറ്റമറ്റതാക്കുകയും ചെയ്യും. ഫോക്ക് ലോർ അക്കാദമിയുമായി ചേർന്ന് നാടൻ കലാരൂപങ്ങളെ പുതിയ തലമുറക്ക് പരിചയ പ്പെടുത്താനും അഭിവൃത്തി പ്പെടുത്താനുമായി കളരികൾ സംഘടിപ്പിക്കും.അനുഗൃഹീതരായ ധാരാളം കലാകരന്മാരും അനുപമായ കഴിവുകൾ പ്രദർശിപ്പിച്ച കുട്ടികളും ബഹ്‌റൈനിൽ ഉണ്ട് ഇവരുടെ കഴിവുകൾ മലയാളി സമൂഹത്തിന്റെ സ്വത്തായി അടയാളപ്പെടുത്തുന്ന കക്ഷി താത്പര്യങ്ങൾക്കതീതമായ നേതൃത്വം നൽകം. സമാജം വേദികളിൽ നടക്കുന്ന നാടകങ്ങളൂം കലാപരിപാടികളും മലയാളികളായ തൊഴിലാളികൾ പാർക്കുന്ന ക്യാമ്പുകളിലും കൂടി പെർഫോം ചെയ്യുന്ന അവസരങ്ങൾ ഒരുക്കും.

-അജിത്

കലാവിഭാഗം സെക്രട്ടറി സ്ഥാനാർത്ഥി